Mlaku grasah-grusuh mowot wangan Endro kepleset tiba kedongsok. Lengen gutul sikut kosi telapakan pegel linu seporete. Mulane Endro terus maring Margono perlune njaluk tamba dokter nggo tangane kuwe.
E ndilalah, neng latare Margono ana mesin gede sing ana tulisane : "BISA TAHU APA PENYAKIT ANDA DAN MEMBERI RESEP OBAT CUKUP HANYA DENGAN SAMPEL URINE. GRATIS." Endro maca kuwe seneng pisan terus gagiyan nguyuh, uyueh delebokna ming mesin. Mesine moni tulalit tulalit disit terus ngetokna prin-prinan. Endro maca: "NIKI ASTANE SAMPEYAN KESLEYO. TAMBANE DEBLONYOIH COUNTERPAIN KALIYAN NGUNJUK PARASETAMOL LAN IBUPROPEN. AMPUN KAKEHEN GERAK KRIYIN, TAMBAH SAENE DIGENDONG MAWON NGANGGE JARIT." Endro mbatin, seeettt pinter temen kiye mesin yaah, terus mulih.
Gutul ngumah Endro duwe ide wagu nggo ngetes mesin miki apa iya pinter temenan. Nganggo botol cilik Endro nyawuk banyu bak kamarmandi, terus nggodogi asune tanggane kon nguyuh detadaih nganggo botol kuwe juga. Durung marem, tembelek lancung delebokna sisan. Teksi durung marem, Endro kiclik decorotna sisan ming botol. Bar dekocok kosi nyampur, kuwe botol degawa delebokna mesin.
Mesin tulalit tulalit suwe ora rampung-rampung. Endro prengas-prenges mbatine, ngonoh sikimu janji teyeng ngerti apa bae kuwe isi-ne.
Tapi sidane si mesin mandeg gole tulalit tulalit terus ngetokna prin-prinan. Endro maca kambi gedheg-gedheg gumun. "NJENENGAN DERENG BAYAR PDAM WULAN NIKI. AWAS NIKU SEGAWONE KENGING RABIES, PAK. PITIKE SAESTU TES NGUNTAL KARET. LHA BAPAKE SI PRIPUN? MPUN KULA SANJANGI ASTANE AMPUN KATHAH NGGE GERAK KOWH PALAH KICLIK?? AJA NYALAHNA INYONG NEK KESLEYONE ORA MARI-MARI, BRO!"
***
Tidak ada komentar:
Posting Komentar